Nina Greeff ontdek die vyfletterwoord: dieet. Met haar vurige belangstelling in ballet word die woord ‘n obsessie. Dan ontdek sy dat seuns ook ‘n vyfletterwoord I…’n Innerlike avontuurverhaal waarin die bekkige en gesofistikeerde hoofkarakter krities en humoristies haar siening van die wêreld uitleef. Tieners, veral die wat aan anorexia nervosa ly, sal sterk met Nina kan identifiseer. Hoewel die verhaal deels oor die eetversteuring gaan, word dit nooit swaarmoedig nie – daarvoor sorg Nina se skerp, lakonieke swart humor.
